Í morgun var opnaður upplýsingavefur um þjóðkirkju og stjórnarskrá vegna þjóðaratkvæðagreiðslunnar sem fram fer 20. okt. n.k. Í atkvæðagreiðslunni er spurt: Vilt þú að í nýrri stjórnarskrá Íslands verði ákvæði um þjóðkirkju á Íslandi?
Kirkjuráð ákvað á fundi sínum s.l. vor að opna upplýsingavef varðandi málið og var hann opnaður í morgun. Slóðin er http://kirkjan.is/stjornarskra.
Eins og fram kemur á vefnum hafa bæði kirkjuþing og kirkjuráð ályktað á þann veg að hvetja til þess að áfram verði ákvæði um þjóðkirkjuna í stjórnarskránni. Ég hvet sóknarbörn mín til þess að kynna sér efnið á þessum vef áður en til atkvæðagreiðslunnar kemur 20. október. Bestu kveðjur. sr. Sighvatur Karlsson
