Tónleikar í Húsavíkurkirkju, sunnudaginn 14. Júlí kl. 17:00
Aðgangseyrir kr. 1500,-
Svafa Þórhallsdóttir, söngkona og Esben Nordborg Möller, flytja verk eftir Mendelsohn, Brahms og Grieg.
Þar að auki munu þau flytja íslenskar söngperlur m.a. eftir Kaldalóns, Atla Heimi og Jón Nordal.
Í lok tónleikanna verður samsöngur þar sem tónleikagestum gefst tækifæri á að syngja með.
Ekki missa af notalegri tónleikastund í Húsavíkurkirkju sunnudaginn 14.júlí kl. 17:00
Um tónleikahaldara:
Bæði hafa lokið námi frá Konunglega tónlistarháskólanum í Kaupmannahöfn og taka þau virkan þátt í tónlistarlífinu í Danmörku.
Svafa starfar sem söngkona, kórstjóri og tónmenntakennari og Esben fæst við tónsmíðar og orgelleik.
Ekki skemmir að geta þess að Svafa rekur ættir sínar til Húsavíkur. Barnabarnabarn Lúðvíks og Rúnu í Bala.
Gaman væri að sjá heimafólk sem aðra fjölmenna á tónleika þessa og taka virkilega vel á móti langt aðkomnu listafólki.
