Húsavíkurkirkja

Kirkjukór Húsavíkur leiðir söng í messu við upphaf Prestastefnu á þriðjudagskvöld kl. 19 í kirkjunni undir stjórn Judit György, organista. Undir útdeilingu sakramentisins syngur kórinn lagið Ákall eftir sr. Friðrik A Friðriksson sem hann samdi í tilefni 50 ára afmælis kirkjunnar.

Lesa áfram …

Gospelkór Húsavíkurkirkju hélt sína árlegu vortónleika í kvöld í kirkjunni fyrir fullu húsi ásamt hljómsveit og gestasöngvurunum Ínu Valgerði Pétursdóttur og Kristjáni Þór Magnússyni. Tónleikagestir, á fjórða hundrað, voru á öllum aldri og skemmtu sér konunglega undir fallegum söng kórsins og einsöngvara. Hljómsveitin var pottþétt. Stjórnandi kórsins var Guðni Bragason. Kórinn mun næst syngja fyrir þátttakendur á Prestastefnu í móttöku sveitastjórnar í Sjóminjasafninu á þriðjudagskvöld.

Prestastefna 2007 verður haldin á Húsavík dagana 24-26 apríl á Fosshótel Húsavík. Prestastefnan verður sett með messu í Húsavíkurkirkju kl 19 að kvöldi þriðjudags. Prestar /djáknar og biskupar ganga í skrúðfylkingu til kirkju um sjö leytið. Sveitarstjórn Norðurþings verður með móttöku í sjóminjasafninu kl. 20.30. Fundahöld standa síðan yfir fram á fimmtudag. Aðal mál stefnunnar að þessu sinni er álit kenninganefndar um Þjóðkirkjuna og staðfesta samvist.

Ragnheiður Jónasdóttir, Skálabrekku 5 er látin.

Jakob Fróði var skírður í kirkjunni á Skírdag, 5. apríl. Foreldrar hans eru Unnur Ösp Guðmundsdóttir og Karl Hreiðarsson. Skírnarvottar: Jónína H. Hallgrímsdóttir og Fanney Óskarsdóttir.

Þrátt fyrir rysjótt tíðarfar sóttu um 80 manns Páskavöku í Húsavíkurkirkju um miðnæturbil og fögnuðu upprisu Jesú Krists í tali og tónum. Í vökulok smakkaði fólkið á Páskalambi og Páskaeggi.

Páskamessa verður sungin kl. 11 á Páskadag. Kirkjukór Húsavíkur syngur Hátíðarsöngvana undir stjórn Judit György. Lára Sóley Jóhannsdóttir leikur á fiðlu. Sóknarbörn eru hvött til þess að fjölmenna í messuna.