Húsavíkurkirkja

 

Sigurbjörg Sigurjónsdóttir er látin

Sigurbjörg Sigurjónsdóttir lést 15. mars á Dvalarheimilinu Hvammi. Útför hennar fer fram frá Húsavíkurkirkju laugardaginn 29. mars kl. 14.

, 16/3 2008

Inga María skírð

Inga María var skírð þann 23. febrúar í Húsavíkurkirkju. Foreldrar hennar eru
þau Guðný Stefánsdóttir og Krzysztof Wójcik, Grundargarði 9.
Skírnarvottar eru Ingibjörg Sigtryggsdóttir og Marcin Florczyk

, 16/3 2008

Fermingarbörn árið 2008

Nú er listi yfir fermingarbörn er fermd verða í vor kominn á vefsíðu kirkjunnar. Listann er að finna hér. Foreldrar geta breytt fermingardögum í samráði við sóknarprest. Listinn verður því ekki að fullu tilbúinn fyrr en um og eftir 10. mars vegna vetrarleyfis sóknarprests.

, 15/2 2008

Tíu til tólf ára starfið, – TTT

Starf fyrir tíu til tólf ára börn í sókninni hófst að nýju í lok október. Katrín Ragnarsdóttir tók að sér að leiða starfið. Skemmst er frá að segja að starfið hefur gengið mjög vel en 30-40 börn á þessum aldri sækja að staðaldri samverustundirnar í Kirkjubæ síðdegis á fimmtudögum. Katrínu til aðstoðar hefur verið Sæunn Kristjánsdóttir. Stefnt verður að því að barnastarf kirkjunnar fari frá haustmánuðum fram í Bjarnahúsi að afloknum framkvæmdum innan dyra sem senn verður ráðist í. Það verður mikil lyftistöng fyrir safnaðarstarfið að fá Bjarnahús í gagnið.

, 10/2 2008

Óskar settur inn í embætti meðhjálpara

Óskar Jóhannsson var settur inn í embætti meðhjálpara í kvöldmessu 10. febrúar í kirkjunni. Það var sóknarprestur sem annaðist innsetninguna og lýsti margþættu starfi meðhjálparans en hann er náinn samstarfsmaður prestsins. Sóknarnefndarformaðurinn Helga Kristinsdóttir ávarpaði nýja meðhjálparann og bauð hann velkominn til starfa og afhenti honum starfslýsingu. Síðan ávarpaði hún fráfarandi meðhjálpara Margréti Þórhallsdóttur og þakkaði henni giftudrjúg störf í þágu sóknarbarna undanfarið ár og leysti hana út með gjöf frá sóknarbörnum.

, 10/2 2008

Margrét Sif Jóhannsdóttir skírð

Margrét Sif Jóhannsdóttir var skírð í kirkjunni 2. febrúar af sr. Jóni Ármanni Gíslasyni. Foreldrar hennar eru Huld Hafliðadóttir og Jóhann Gunnar Sigurðsson. Skírnarvottar: Gunnlaug María Eiðsdóttir og Hanna Mjöll Káradóttir

, 7/2 2008

Dagskrá sunndagsins 27. janúar

Sunnudagaskólinn verður á sínum tíma kl. 11. Foreldrar eru eindregið hvattir til þátttöku með börnum sínum. Helgistund verður í Hvammi kl. 13. Guðsþjónusta í kirkjunni kl. 14. Þar syngur kirkjukórinn að venju undir stjórn kirkjuorganistans Judit György. Þess er vænst að foreldrar fermingarbarna fjölmenni með börnum sínum.

, 26/1 2008

Jón Árnason er látinn

Jón Árnason, bifreiðastjóri, Laugarbrekku 3 er látinn. Útförin auglýst síðar.

, 21/1 2008

Þorsteinn Bjarnason er látinn

Þorsteinn Bjarnason, Syðri Tungu, Tjörnesi lést í nótt á Sjúkrahúsi Húsavíkur. Útförin fer fram frá Húsavíkurkirkju föstudaginn 25. janúar kl. 14.

, 18/1 2008

Fyrsta gospelmessa ársins

Fyrsta gospelmessa ársins verður n.k. sunnudagskvöld 20. janúar kl. 20. Gospelkórinn syngur undir stjórn Guðna Bragasonar. Kirkjugestum gefst kostur á því að kveikja á bænaljósi. Fermingarbörn lesa ritningarlestra og sóknarprestur flytur hugleiðingu út frá guðspjalli dagsins. Fjölmennum.

, 17/1 2008

Húsavíkurkirkja er opin flesta daga frá kl. 9.00-16.00 yfir sumartímann. Velkomið er að heyra í kirkjuverði til að athuga með að skoða kirkjuna á öðrum tímum. Sími hans er 8611351

Sóknarprestur: Sólveig Halla Kristjánsdóttir. Sími á skrifstofu er 464 1317, viðtalstímar eru þri- föst. kl. 10.00-12.00 og á öðrum tímum eftir samkomulagi. Skrifstofan er lokuð á mánudögum. Hægt er að senda tölvupóst á netfangið sera.halla@gmail.com

Kirkjuvörður og meðhjálpari: Guðbergur Ægisson. GSM 8611351- netfang: spreki@simnet.is

 

Við Garðarsbraut á Húsavík. Sími 464 1317 , fax 464 1317 · Kerfi RSS