Húsavíkurkirkja

Anna Margrét Jóhannsdóttir lést á Sjúkrahúsi Húsavíkur þann 1. nóvember. Útför hennar mun fara fram frá Húsavíkurkirkju laugardaginn 9. nóvember kl. 14.00

Guðjón Björnsson, lést á Skógarbrekku, Sjúkrahúsi Húsavíkur, föstudaginn 18. október. Útför hans fer fram frá Húsavíkurkirkju laugardaginn 26.október kl. 13.00

Hressir krakkar úr NTT ( 9-12 ára)  starfi Húsavíkurkirkju héldu á Hólavatn sl. laugardag. Þar komu saman tæplega 80 krakkar sem hafa verið í kirkjustarfi, frá Ólafsfirði, Dalvík, Akureyri og Eyjafjarðarsveit auk Húsvíkinga. Veðrið lék við okkur og var hópurinn mestan part dagsins úti. Eftir að leiðtogar, djákni og prestar höfðu heilsað hópnum og boðið alla velkomna, var farið út í leiki þar til hringt var í hádegismat, en boðið var upp á pylsur og  svo ferska ávexti í eftirmat.

Að hádegismat loknum var frjáls tími, þar sem hægt var að fara í skógarferð, finna hengirúm þar og slaka og njóta, hoppa á trampólíninu, spila tennis, körfubolta eða fara út á vatnið, ýmist á hjólabát eða árabát, sem var reyndar vinsælasta afþreyingin. Að loknum frjálsa tímanum var biblíufræðsla þar sem sr. Sólveig Halla sagði söguna um Miskunnsama Samverjann. Að því loknu var hressing djús, kex, kleinur og fleira og svo skiptu krakkarnir sér í hópa og unnu saman í  klukkustund verkefni sem tengdust þema biblíusögunnar. Að því loknu, sýndu leiklistarhópurinn og brúðuleikritahópurinn afrakstur sinn, sem og listahópurinn og leikjahópurinn sagði frá þeim leikjum sem þau höfðu farið í þar sem reyndi á samvinnu og hjálpsemi.  Auk sóknarprests fóru með hópnum frá Húsavík, leiðtoginn Anna Birta Þórðardóttir og einnig var sérstaklega ánægjulegt að eiga gott samstarf við foreldrar barnanna í hópnum og komu þeir Hallur Lund og Þorsteinn Marinósson með í ferðina og sáu alfarið um bátafjörið og fleira. Eru þeim færðar bestu þakkir fyrir . Nú er námskeiðið Vinátta og virðing hálfnað og kannað verður hvort möguleiki sé að bjóða upp á svipað starf eftir áramót, enda áhugi og þátttaka mjög góð.

Næstkomandi sunnudagskvöld 13. október kl. 20.00 verður Paramessa í Húsavíkurkirkju.

Þar munu hjónin sr. Sólveig Halla og Sigurður Páll flytja hugleiðingu um hjónabandið og kórinn syngur hugljúfa sálma og rómantísk lög.

Hvetjum ykkur til að koma og eiga notalega stund í fallegu kirkjunni okkar.

Á föstudögum í októbermánuði stendur yfir námskeiðið Vinátta og virðing. Yfir 20 krakkar  á aldrinum 9 -12 ára eru skráðir og framundan er ferð nk. laugardag á Hólavatn.

Þar ætla krakkar víða að úr prófastsdæminu að koma saman og eiga góðan dag í fræðslu og leik, en umsjón hafa prestar og æskulýðsstarfsfólk kirknanna.

Tæplega 100 manns eru skráðir til þátttöku á Hólavatnsdaginn og við hlökkum mikið til! Meira síðar !

Eva Dís Guðbergsdóttir, var skírð í Húsavíkurkirkju laugardaginn 5. október. Foreldrar hennar eru Guðbergur Ægisson og Guðrún Sigríður Geirsdóttir

Skírnarvottar eru Kristín Lára Björnsdóttir, Berta María Björnsdóttir og Hreiðar Geirsson . Innilegar hamingju- og blessunaróskir.

Sunnudagaskólinn verður í Bjarnahúsi nk. sunnudag kl. 11.00 Það var þétt setið á stólum, gólfi og borðum um daginn, en við reynum að búa til meira pláss núna.

Sagan um Sakkeus, söngvar, brúðuleikrit og fleira. Umsjón hafa sr. Sólveig Halla, Anna Birta og Guðrún Torfadóttir

Helgistund verður í Hvammi kl. 14.00 í umsjón sr. Sólveigar og Ilonu

Kjartan Jóhannesson lést á Skógarbrekku, sjúkrahúsi Húsavíkur, þriðjudaginn 8. október. Útför hans fer fram frá Húsavíkurkirkju laugardaginn 19. oktober kl. 14.00

Þórhallur Valgarð Aðalsteinsson, lést á Skógarbrekku , Sjúkrahúsi Húsavíkur laugardaginn 28 september. Útför hans fer fram frá Húsavíkurkirkju laugardaginn 5 október kl. 13.00.

Höskuldur Aðalsteinn Sigurgeirsson, Vallholtsvegi 17 Húsavík lést á Dvalarheimilinu Hvammi mánudaginn 2 september. Útför hans fer fram frá Húsavíkurkirkju mánudaginn 16 september kl.14.00.