Sunnudagaskólinn

Veturinn 2009-2010 verður sunnudagaskólinn fyrst um sinn í kirkjunni á sunnudögum kl. 14. Um er að ræða fjölbreytt og skemmtilegt starf við hæfi barna. Starfið er í höndum sóknarprests. Með honum starfa í skólanum, Bóas Gunnarsson á gítar, meðstjórnendur: Lilja og Magnea Hauksdætur, Helga Gunnarsdóttir, Snædís Sara Guðjónsdóttir.  Börnin eru hvött til að taka bangsana með sér í skólann en kirkjubangsinn segir sitt álit á biblíusögunum sem börnin fá að lifa sig inn í. Í skólanum eru sungnir hreyfisöngvar og beðnar bænir. Foreldrum gefst kostur á að fá send myndskilaboð einu sinni í viku í gegnum póstlista sunnudagaskólans. Sendið beiðni á sighvatur.karlsson@kirkjan.is

Húsavíkurkirkja hefur tekið upp samstarf við íþróttafélagið Völsung þar sem borðtennisdeild félagsins er endurvakin nú undir nafninu Borðtennisklúbburinn Hvati. Æfingar fara fram í íþróttahöllinni á Húsavík á þriðjudögum kl. 16.00-17.30 og föstudögum kl. 17.30. Þjálfari er enginn annar en sr. Sighvatur Karlsson sem einnig gengur undir nafninu Hvati. Aðstoðarþjálfari hans er Sigurður Atli Helgason. Markhópur starfsins eru börn og unglingar sem taka þátt í æskulýðsstarfi kirkjunnar á hverjum tíma en auðvitað eru allir velkomnir að vera með í starfinu. Markmiðið með starfinu er að hlúa að líkama og sál á skemmtilegan og ekki síst uppbyggilegan hátt í forvarnarskyni í anda frelsarans Jesú Krists.

Kirkjukór

Kirkjukór Húsavíkur telur um 30 manns. Organisti og stjórnandi er Judit György. Kirkjukórinn hefur sungið endurgjaldslaust á gleði og sorgarstundum sóknarbarna í meira en sex áratugi. Kirkjukórinn hefur farið í messuheimsóknir víða um land og sungið árlega aðventu-og vontónleika. Sóknarnefnd styrkir kórinn árlega

Gospelkór

Gospelkór Húsavíkurkirkju telur um 18 manns. Hann var stofnaður árið 1999 af þáverandi æskulýðsfulltrúa kirkjunnar Fjalari Frey Einarssyni og sóknarpresti. Margot Kiis stjórnaði kórnum um tíma. Núverandi stjórnandi er Guðni Bragason tónlistarskólakennari. Kórinn hefur sungið gospelmessur í Húsavíkurkirkju á veturna og í kirkjum í prófastsdæminu í messuheimsóknum og haldið aðventu-og vortónleika í Húsavíkurkirkju. Sóknarnefnd styrkir kórinn árlega.