Húsavíkurkirkja

 

Minningargjöf til Húsavíkurkirkju

Verkið lofar meistarannHúsavíkurkirkju barst höfðingleg gjöf frá Erni Ár. Jónssyni tannlækni í Borgarnesi sem er líkan af kirkjunni í hlutföllunum 1 á móti 50. Gjöfinni fylgir svohljóðandi áletrun: “Húsavíkurkirkja 100 ára Gert og gefið til minningar um Fanneyju Daníelsdóttur og Jón H Jakobsson”.

Lesa áfram …

Sighvatur Karlsson, 17/8 2007

Hinrik Árni skírður

Hinrík Árni var skírður í Húsavíkurkirkju 8. júlí. Foreldrar hans eru Elsa Þóra Árnadóttir Schiöth og Kristinn Wium, Laufríma 16, Reykjavík. Skírnarvottar: Árni Grétar Árnason, Sigurður Árnason og Fannar Freyr Kristinsson.

Sighvatur Karlsson, 10/7 2007

Berta María og Ragnar í hjónaband

Berta María Hreinsdóttir og Ragnar Hermannsson, Állfaborgum 17, Reykjavík voru gefin saman í hjónaband í Húsavíkurkirkju 7. júlí. Svaramenn: Hermann Ragnarsson og Hreinn Einarsson.

Sighvatur Karlsson, 7/7 2007

Kolbeinn Óli skírður

Kolbeinn Óli var skírður laugardaginn 7. júlí að Steinagerði 1. Foreldrar hans eru Berglind Júlíusdóttir og Haraldur Reinharðsson, Grundargarði 6. Skírnarvottar: María Rebekka Kristjánsdóttir og Júlíus Guðni Bessason.

Sighvatur Karlsson, 7/7 2007

Gjafir til Bjarnahúss

Afkomendur Bjarna Benediktssonar og Þórdísar Ásgeirsdóttur komu saman til ættarmóts á Húsavík og nágrenni um mánaðarmótin. Að morgni laugardags komu þeir saman í kirkjunni til minningarstundar þar sem sr. Halldór Gunnarsson í Holti flutti tölu og afkomendur sungu sálma við undirleik Björns Leifssonar organista á Kópaskeri. Að því loknu skoðuðu þeir Bjarnahús og nágrenni undir leiðsögn Sigurjóns Jóhannessonar. Sunnudaginn 1. júlí var sungin messa í kirkjunni þar sem sr. Halldór prédikaði og sr. Kristján Björnsson þjónaði fyrir altari en hann er mægður inn í ættina. Kirkjukór Húsavíkur söng undir stjórn Björns Leifssonar. Í lok messu brá til mikilla tíðinda en þá bárust Bjarnahúsi veglegar gjafir en eins og kunnugt fær söfnuðurinn húsið til afnota 1. september n.k. Fyrst skal telja einnar milljóna króna gjöf frá hjónunum Baldri Bjarnasyni og Þóreyju Önundardóttur. Síðan skal getið hundrað þúsund króna framlags frá Bryndísi Bjarnadóttur til kaupa á hljóðfæri í húsið. Dóttir Bryndísar afhenti gjöfina fyrir hönd móður sinnar sem var fjarstödd. Sóknarprestur veitti höfðinglegu gjöfunum viðtöku fyrir hönd safnaðarins og bað Guð að blessa glaða gefendur. Síðan leysti hann gefendur út með blómvendi og gjöfum

Sighvatur Karlsson, 4/7 2007

Styrkir frá Hjálparstarfi kirkjunnar

Hjálparstarfið hefur samstarf við fjölmarga aðila sem bæði miðla styrkjum innanlands í gegnum Hjálparstarfið og þiggja styrk frá stofnuninni. Þess nýtur fólk um land allt og á öllum aldri þ.e. bæði barnafjölskyldur, einstaklingar og ellilífeyrisþegar.

Velferðasjóður íslenskra barna hefur veitt styrki í gegnum Hjálparstarf kirkjunnar undan farið ár sem ætlaðir eru börnum utan Reykjavíkur. Þessar gjafir vekja mikla gleði og ánægju, hvort sem börnin velja að fara í sumarbúðir, á fótboltamót, að kaupa hjól, línuskauta eða fara á reiðnámskeið. Á haustin úthlutar Hjálparstarfið einnig styrkjum frá Velferðasjóðnum. Þeir eru til foreldra vegna útgjalda í skólabyrjun. Áhersla er á ungmenni á aldrinum 16-18 ára sem þurfa að greiða skólagjöld og bókakostnað. Sorpa hefur einnig gefið til þessa málefnis fjármuni og stutt aðra skjólstæðinga með afsláttarkjörum í verslun sinni Góða hirðinum. Fólk er beðið um að leita til sinna sóknarpresta varðandi umsóknir í þessum efnum.

Sighvatur Karlsson, 26/6 2007

Kirkjukór Húsavíkur heldur til Kanada í júlílok

Kirkjukór Húsavíkur heldur til Kanada í lok júlí ásamt fríðu föruneyti og tekur þátt í íslendingadeginum í Gimli í byrjun ágúst. Flogið verður til Minneapolis. Síðan verður ferðast um íslendingaslóðir í Minnesota og Kanada undir handleiðslu vestur íslensks fararstjóra. Farið er í þessa ferð í tilefni af aldarafmæli kirkjunnar. Kórinn hefur að undanförnu verið að æfa íslensk lög og þjóðsöngva Kanada og Bandaríkjanna sem sungnir verða í ferðalaginu. Mikil tilhlökkun ríkir í hópnum. Kórfélagar, makar og aðrir gestir halda síðan heim á leið 10 ágúst.

Sighvatur Karlsson, 25/6 2007

Ragnar Þór Kjartansson er látinn

Ragnar Þór Kjartansson Garðarsbraut 35 a er látinn. Útför hans fer fram frá Húsavíkurkirkju laugardaginn 30. júní kl. 14.

Sighvatur Karlsson, 25/6 2007

Jakob Gunnar skírður

Jakob Gunnar Sigurðsson var skírður að Skálabrekku 7. á þjóðhátíðardaginn 17. júní. Foreldrar hans eru Halla Björg Albertsdóttir og Sigurður Valdimar Olgeirsson. Skírnarvottar: Einar Örn Arnarson og Guðrún Gunnarsdóttir.

Sighvatur Karlsson, 17/6 2007

Þuríður Hermannsdóttir

Þuríður Hermannsdóttir lést á Akureyri 12. júní. Hún verður jarðsungin n.k. miðvikudag frá Húsavíkurkirkju kl. 14.

Sighvatur Karlsson, 15/6 2007









Húsavíkurkirkja er opin ferðafólki. Upplýsingar s. 861 1351 ( Kirkjuvörður ) Verið velkomin í Húsavíkurkirkju til að skoða hana og eiga þar kyrrðarstund.

Viðtalstímar

Sighvatur Karlsson, sóknarprestur

Virka daga frá kl. 11-12 s. 464 1317, farsími 861 2317

Öðrum tímum eftir samkomulagi

Netfang sóknarprests
srhvati@simnet.is

Kirkjuorganisti. Judit György

netfang: judit_gy@hotmail.com

farsími: 845 0257


Meðhjálpari, kirkjuvörður og kirkjugarðsvörður

Guðbergur Ægisson s. 861 1351

Hann tekur við pöntunum fyrir kirkjuna og safnaðarheimilið Bjarnahús

netfang: spreki@simnet.is

Umsjón með útförum:

Margrét Þórhallsdóttir s. 897 7836

netfang: maggatolla@heilhus.is

Fimmtudagur

Kóræfing hjá Kirkjukór Húsavíkur kl. 19.30. Kirkjuorganisti og kórstjóri er Judit György

Dagskrá ...