Húsavíkurkirkja

Anna Jónína Valgeirsdóttir, Sólbrekku 14, Húsavík lést á Heilbrigðisstofnun Þingeyinga þriðjudaginn 21. febrúar. Útförin auglýst síðar.

Henný Hemmert Eyþórsdóttir var skírð sunnudaginn 19. febrúar. Foreldrar hennar eru Anný Peta Sigmundsdóttir og Eyþór Hemmert Björnsson, Höfðavegi 24, Húsavík. Skírnarvottar: Þorgrímur Sigmundsson og Erna Björnsdóttir.

Herdís Guðmundsdóttir, Ketilsbraut 19, Húsavík lést 31. janúar á Heilbrigðisstofnun Þingeyinga. Útförin auglýst síðar.

Guðsþjónusta verður kl. 14  á sunnudag, 29. janúar. Kirkjukór Húsavíkur syngur undir stjórn Judit György. Sóknarprestur prédikar og þjónar fyrir altari. Fermingarbörn aðstoða. Fjölmennum.

Guðrún Jósefsdóttir, Hjarðarhóli 8, Húsavík lést aðfararnótt 20. janúar. Útförin auglýst síðar.

Benedikt Helgason Álfhóli 7, Húsavík lést á Fjórðungssjúkrahúsinu á Akureyri 12. janúar. Útför hans verður gerð frá Húsavíkurkirkju laugardaginn 21. janúar kl. 11 fyrir hádegið.

Unnar Kristinn Wium var skírður 30. desember í Húsavíkurkirkju. Foreldrar: Elsa Þóra Árnadóttir Schiuth og Kristinn Wium, Lækjarvaði 19, Reykjavík. Skírnarvottar: Sólveig Rúnarsdóttir, Sigríður Rúnarsdóttir og Sigurður Árnason.

Aftansöngur verður í Húsavíkurkirkju á Gamlársdag kl. 18.00. Kirkjukór Húsavíkur syngur undir stjórn Judit György. Sóknarprestur prédikar og þjónar fyrir altari.  Það er tilvallið að leggja leið sína í aftansönginn á gamlársdag og þakka Drottni fyrir þær gjafir sem hann hefur gefið okkur á þessu ári með bæn og beiðni og þakkargjörð.  Fjölmennum. Gleðilegt nýtt ár !

Góð messusókn var við aftansöng á Aðfangadagskvöld jóla í Húsavíkurkirkju en mikið hvassviðri með ofankomu gerði eins og hendi væri veifað um kl. 17.30. Um 160 manns sóttu aftansönginn.  Kirkjan ómaði öll af sálmasöng og tilheyrandi hátíðarsöng sem kirkjukórinn leiddi undir stjórn Judit György organista sem sagði sóknarpresti að loknum aftansöng að orgelið hefði verið á hreyfingu allan aftansönginn og einnig bekkurinn sem hún sat á þannig að hún átti fullt í fangi með að slá ekki feilnótu.  Stóra ljósakrónan yfir miðju kirkjuskipi vaggaði út aftansönginn í takt við hjörtu kirkjugesta líkt og segir í sálminum ,,Nóttin var sú ágæt ein” sb 72.: ,,Með vísnasöng ég vögguna þína hræri.” Gleðileg jól

Aðfangadagur: Aftansöngur kl. 18.00.  Jóladagur: Hátíðarguðsþjónusta kl. 14.00. Gamlársdagur: Aftansöngur kl. 18.00. Kirkjukór Húsavíkur syngur undir stjórn Judit György. Sóknarprestur þjónar. Fjölmennum. Gleðileg jól og farsælt komandi ár.