Húsavíkurkirkja

Sunnudaginn 2. nóvember á Allra heilagra messu verður sungin messa í Húsavíkurkirkju kl. 11. Kirkjukór Húsavíkur syngur undir stjórn organistans, Judit György. Vænst er góðrar þátttöku aðstandenda þeirra er látist hafa undanfarna 12 mánuði en látinna verður minnst í messunni. Fermingarbörn lesa lexíu og pistil. Fjölmennum

Söngvarinn Friðrik Ómar heimsækir Húsavík í tónleikaferð sinni um landið þann 22. Október nk. Friðrik þarf vart að kynna fyrir Húsvíkingum en þessi 27 ára gamli söngvari hefur skipað sér í röð fremstu söngvara landsins.

Þetta er í fyrsta sinn sem Friðrik fer eins síns liðs um landið en hann hefur áður sungið með Guðrúnu Gunnarsdóttur og fylgt eftir þrem gullplötum þeirra sl. ár með því að syngja í kirkjum landsins. Að þessu sinni er það Grétar Örvarsson sem leikur undir á píanó og á efnisskránni eru meðal annars lög sem Vilhjálmur Vilhjálmsson gerði vinsæl og fleiri þekkt dægurlög sem Friðrik hefur gaman af að flytja

Lesa áfram …

Laugardaginn 18. október kl. 16.00 verður fræðslusamvera í Húsavíkurkirkju, einkum ætluð fermingarbörnum og foreldrum þeirra. Maður frá Úganda að nafni David Ssedyabule segir frá aðstlæðum barna og ungmenna í fátæku landi. Hann segir frá uppvexti sínum og hverju Hjálparstarf kirkjunnar á Íslandi hefur breytt í þeirra heimahéraði. Fermingarbörn á landsvísu ganga síðan í hús 3 og 4. nóvember og safna fé til hjálpar munaðarlausum börnum í Úganda

Erla Þyri Brynjarsdóttir var skírð á heimili sínu 11. október. Foreldrar hennar eru Kristey Þráinsdóttir og Brynjar Smárason, Steinagerði 8. Húsavík. Skírnarvottar: Ólöf Hallgrímsdóttir, Anna Stefanía Brynjarsdóttir og Þyri Kristjánsdóttir.

Sigrún Lind var skírð á heimili sínu 4. október s.l. Foreldrar hennar eru Aðalbjörg Guðný Árnadóttir og Ómar Örn Jónsson, Brúnagerði 14, Húsavík. Skírnarvottar: Sigrún Ingólfsdóttir og Eva Dögg Jónsdóttir.

Brynja Rós var skírð á heimili sínu 14. september s.l. Foreldrar hennar eru Svava Steingrímsdóttir og Brynjar Takacs Baldursson, Grundargarði 6, Húsavík. Skírnarvottar: María Guðrún Jónsdóttir og Emilía Guðrún Svavarsdóttir.

Þorsteinn Haukur Þorsteinsson heldur útgáfutónleika í Húsavíkurkirkju sunnudaginn 7. september kl. 17.En hann hefur gefið út geisladiskinn ,,Lofgjörð til þín”, með kristilegum lögum eins og nafn disksins ber með sér. Allir eru hjartanlega velkomnir og aðgangur er ókeypis

Gospelkór Húsavíkur er nú á tónleikaferðalagi í Svíþjóð ásamt einsöngvara og hljómsveit. Viðtökur hafa verið góðar. Sjá nánari fréttir á www.640.is

Hjörleifur Valsson heldur einleikstónleika í Húsavíkurkirkju laugardaginn 30. ágúst kl. 17. Miðaverð kr. 2000. Hann mun leika á Stradivari fiðlu sem er frá árinu 1732. Á sunnudeginum leikur hann á fiðluna í messu kl. 11. Kirkjukór Húsavíkur syngur undir stjórn Aladár Rácz. Sóknarbörn eru hvött til að fjölmenna á tónleikana og í messuna.

Næsti fermingarárgangur heldur að Kirkjumiðstöðinni að Vestmannsvatn í dag til sólarhringsdvalar í fallegu umhverfi þar sem ýmislegt verður boðið upp á til fræðslu og skemmtunar, m.a. kanóróður á vatninu, göngutúrar og berjatínsla. Fermingarbörn hafa sótt þennan skóla óslitið síðan 2003. Umsjón hafa auk sóknarprests, sr.Þorgrímur Daníelsson og starfsfólk búðanna. Þess er vænst að foreldrar sæki lokasamveruna annað kvöld, 21. ágúst kl. 21.