Húsavíkurkirkja

Valgerður Sigfúsdóttir frá Vogum í Mývatnssveit, til heimilis að Sólbrekku 26 á Húsavík lést 6. febrúar á sjúkrahúsinu á Húsavík. Útför hennar var gerð frá Húsavíkurkirkju 14. febrúar.

Hafliði Jónsson, Vallholtsvegi 15, lést 18. janúar 2009 . Útför hans var gerð frá Húsavíkurkirkju 24. janúar.

Arnar Ingi var skírður að heimili sínu föstudaginn 9. janúar. Foreldrar hans eru Erla Torfadóttir og Hrólfur Jón Flosason, Grundargarði 6, Húsavík. Skírnarvottar: Friðbjörn Óskarsson, Halldóra Kristjánsdóttir og Lilja Friðriksdóttir.

Sigmundur Þorgrímsson var skírður 28. desember í Kiwanishúsinu en það mun sennilega vera fyrsta helgiathöfnin sem þar hefur farið fram. Foreldrar hans eru Anna Dóra Gestsdóttir og Þorgrímur Sigmundsson, Auðbrekku 8, Húsavík. Skírnarvottar: Anný Peta Sigmundsdóttir og Gestur Kristjánsson.

Andri Bergmann Steingrímsson var skírður 27. desember. Foreldrar hans eru María Þórdís Guðmundsdóttir og Steingrímur Kristinn Sigurðsson, Fossvöllum 23. Skírnarvottar: Hrannar Björn Steingrímsson og Hallgrímur Mar Steingrímsson.

Hrafnhildur Brynja Vilbergsdóttir var skírð 27. desember. Foreldrar hennar eru Eyrún Ýr Tryggvadóttir og Vilberg Njáll Jóhannesson, Sólbrekku 9, Húsavík. Skírnarvottar: Jóhannes Geir Einarsson og Friðrik Björnsson.

Patrekur Jón Stefánsson varið skírður 6. desember. Foreldrar hans eru Ellen Mjöll Hallgrímsdóttir og Stefán Friðrik Stefánsson, Laugarholti 3 d, Húsavík. Skírnarvottar: Árninna Ósk Stefánsdóttir og Þuríður Hallgrímsdóttir.

Helgihald um jól og áramót í kirkjunni verður með hefðbundnu sniði. Aftansöngur á aðfangadag kl. 18. Miðnæturmessa kl. 23.30. Á jóladag verður hátíðarguðsþjónusta kl. 14 og á gamlársdag verður Aftansöngur kl. 18. Í messunni á gamlársdag flytur hugvekju Aðalsteinn Baldursson formaður Framsýnar. Kirkjukór Húsavíkur syngur í messsunum undir stjórn kirkjuorganistans Judit György. Fjölmennum í helgihald jóla og áramóta.

Fimmtudaginn 18. desember kl. 16 opnaði Bjarnahús jóla-og kaffihús með söng Ínu Valgerðar við gítarleik Guðna Braga. Fólk á öllum aldri leit við og naut fallegra tóna um stund. Bjarnahús verður opið seinni part dags fram að jólum nema á sunnudag. Fjölbreytt dagskrá er í boði sem verður kynnt jafnóðum hér til hliðar á síðunni. Verið velkomin.

Um 140 sóttu jólastund fjölskyldunnar í Húsavíkurkirkju þriðja sunnudag í aðventu, 14. desember.Fram komu fermingarbörn, börn úr TTT, sunnudagaskólanum, nemendur úr tónlistarskólanum. Mæðgurnar Hulda Björk og Ragnheiður Diljá sungu jólalög. Stekkjastaur kom í heimsókn í kirkjuna ásamt Mýslu og Músapésa og skemmtu börnunum. Almennur söngur var við undirleik Judit György. Að lokum sungu allir saman sálminn Heims um ból.