Húsavíkurkirkja

Kirkjukór Húsavíkur hélt árlega aðventutónleika sína 7. desember undir stjórn Judit György. Lisa Mc Master lék á flautu og Aladár Rácz á píanó. Gestakór var Sólseturskórinn undir stjórn Sigurðar Hallmarssonar.Lagavalið var fjölbreytt og skemmtilegt og kom fjölmörgum kirkjugestum í hátíðarskap.Að sögn eins þeirra voru þessir tónleikar með þeim betri sem hann hafði sótt.

Lesa áfram …

Íris Alma var skírð að Túngötu 1, 13. apríl s.l. Foreldrar hennar eru Jóhanna Svava Sigurðardóttir og Kristján Agnarsson, Grundargarði 9. Skírnarvottar: Alma Lilja Ævarsdóttir, Kristjana Þórey Sigurðardóttir og Hafdís Jósteinsdóttir. sr. Örnólfur J. Ólafsson, Skútustöðum skírði.

Tvíburarnir Halla Bríet og Jóhanna Heiður Kristjánsdætur voru skírðar laugardaginn 29. nóvember í Veiðiheimilinu Vökuholti. Foreldrar: Gyða Evertsdóttir og Kristján Arnar Ragnarsson, Heiðargerði 5, Húsavík. Skírnarvottar: Einar Örn Arnarson og Arna Ásgeirsdóttir.

Arney Elva Valgeirsdóttir var skírð á heimili sínu 21. nóvember. Foreldrar hennar eru Bergþóra Höskuldsdóttir og Valgeir Páll Guðmundsson, Laugarholti 3 c. Skírnarvottar: Kristbjörg Guðmundsdóttir og Elvar Birgisson.

Kirkjukór Húsavíkur hélt ásamt mökum og sóknarpresti í messuheimsókn til Hvammstanga 22.-23.nóvember. Mótttökurnar voru frábærar. Farið var í skoðunarferðir um næsta nágrenni og gist á Gauksmýri. Sóknarnefndin á staðnum, kirkjukór og prestur gerðu það sem í þeirra valdi stóð til að gera okkur þessa heimsókn ógleymanlega. Hápunktur heimsóknarinnar að mínu mati var sunnudagsmessan þar sem hvert sæti var skipað í kirkjunni og á kórlofti. Áformað er að stofna til vinatengsla við þennan söfnuð.

Fyrsta sunnudag í aðventu, 30. nóvember kl. 20 verður Poppmessa í Húsavíkurkirkju þar sem fram koma Gospelkór Húsavíkur ásamt hljómsveit. Einsöngvari verður: Ína Valgerður Pétursdóttir. Sóknarprestur flytur ávarp í upphafi. Sóknarbörn eru hvött til að fjölmenna.

Vegna mikillar aðsóknar hefur verið ákveðið að færa Sunnudagaskólann í Bjarnahús úr Kirkjubæ þar sem hann hefur verið síðustu tvö skipti. Þar verður hann 1 sunnudag í aðventu,30. nóvember kl. 13. en framkvæmdum við Bjarnahús hefur verið frestað um óákveðinn tíma. Um er að ræða lifandi og skemmtilegt samfélag barna og fullorðinna sem skemmta sér saman við söng, leik og fræðslu. Kveikt verður á fyrsta aðventukertinu. Verið velkomin í Bjarnahús á sunnudaginn

Kæru foreldrar og börn< ?xml:namespace prefix = o ns = "urn:schemas-microsoft-com:office:office" />

Hvað skyldi leynast í fjársjóðskistunni?

Fjársjóðskistan verður loksins opnuð Sunnudaginn 16. nóvember kl. 13 eftir hádegið í Kirkjubæ en þar er safnaðarsalur sem heldur vel utan um börn og foreldra. Skólinn verður starfræktur á þessum tíma í vetur og stendur yfir í um hálfa klukkustund. Að henni lokinni verður boðið upp á djús, kaffi og kex. Að þessu sinni verður leitast við að höfða til barna á aldrinum 5-9 ára en auðvitað eru yngri börn hjartanlega velkomin eins og verið hefur.

Lesa áfram …

Fyrir hönd Hjálparstarfs kirkjunnar vil ég þakka sóknarbörnum fyrir myndarlegt framlag í gær þegar fermingarbörnin gengu í hús með söfnunarbauka. Að sögn barnanna var mjög vel tekið á móti þeim.Alls söfnuðust kr. 165.283. Andvirðið nægir fyrir einum vatnsbrunni og gott betur. Þeir sem vilja fræðast um verkefni Hjálparstarfs kirkjunnar er bent á vef starfsins sem er www.help.is

Fermingarbörn ganga í hús á Húsavík þriðjudaginn 4. nóvember frá kl. 18 -20 og safna fé fyrir munaðarlaus börn í Úganda á vegum Hjálparstarfs kirkjunnar. Meðferðis hafa þau innsiglaða bauka, merkta Hjálparstarfi kirkjunnar. Fermingarbörn í rúmlega 60 sóknum á landinu taka þátt í verkefninu eins og undanfarin ár. Þessi árlega söfnun hefur verið einn af hornsteinunum í starfi Hjálparstarfi kirkjunnar síðustu árin en söfnunin hefur jafnan gengið mjög vel. Nú þegar kreppir að í þjóðfélaginu er mikilvægt að gleyma ekki hinum minnsta bróður nær og fjær. Söfnunarfénu verður varið til að bæta aðstæður barna í Úganda sem misst hafa báða foreldra sína úr eyðni.