Húsavíkurkirkja

Halldór Davíð Benediktsson, Urðargerði 3, Húsavík lést 9.maí á sjúkrahúsi Húsavíkur. Útför hans fór fram í kyrrþey laugardaginn 16. maí.

Á Uppstigningardag,fimmtudaginn 21. maí kl. 14.syngur Sólseturskórinn messu í Húsavíkurkirkju ásamt héraðsprestinum sr. Gylfa Jónssyni. Organisti er Judit György. Að aflokinni messu er kirkjugestum boðið að þiggja veitingar í Miðhvammi í boði sóknarnefndar. Eldri borgarar eru hvattir til að fjölmenna til messunnar.

Sunnudaginn 10. maí verður sungin messa í kirkjunni. Fermdir verða Vigfús Bjarni Jónsson og Eyþór Traustason. Kirkjukór Húsavíkur syngur undir stjórn Judit György. Allir eru velkomnir í messuna sem hefst kl. 10.30.

Gospelkór Húsavíkurkirkju hélt tvenna tónleika í Húsavíkurkirkju föstudagskvöldið 8. maí. Góð aðsókn var að báðum tónleikunum þrátt fyrir hryssingslegt veður. Á dagskrá voru 12, lög, flest gospellög sem kórinn flutti fallega af miklu öryggi. Stjórnandanum Guðna Bragasyni hefur tekist vel upp með kórinn á undanförnum árum þannig að hann er kominn í fremstu röð meðal gospelkóra á landinu. Gestasöngvari var Stefán Hilmarsson, þjóðkunnur söngvari sem söng nokkur lög af innlifun með kórnum. Hljómsveitina og hljóðmann skipuðu valinkunnir húsvíkingar sem skiluðu sínu hlutverki með sóma.

Ragnar Hermannsson, Dvalarh. Hvammi lést 29. apríl. Útför hans fór fram frá Húsavíkurkirkju 9.maí.

Laufey Þóra Vigfúsdóttir lést í Hvammi 18. apríl Útför hennar var gerð frá Húsavíkurkirkju laugardaginn 25. apríl

Á Páskadagsmorgun var sungin messa. Kirkjukór Húsavíkur söng Hátíðarsöngva sr. Bjarna Þorsteinssonar í heild sinni enda var altarissakramentið haft um hönd. Sóknarprestur ræddi um Páskaboðskapinn og hvatti fermingarbörnin sem hann fermdii til að reynast náunga sínum Kristur á vegferð þeirra í gegnum lífið. Eftir hádegið voru helgistundir á öldrunardeild og í Hvammi þar sem Kirkjukórinn söng undir stjórn organistans.

Undir sem aldnir skemmtu sér vel á Páskavökunni í Húsavíkurkirkju á laugardagskvöld. Mörgum þótti áhrifaríkt þegar Páskaljósið barst til sín í rökkvaðri kirkjunni og að fá síðan yfir sig vatnskross. Þá mátti sjá bros á mörgu andlitinu. Hrólfur kokkur gaf kirkjugestum að smakka Páskalamb. Allir fengu síðan páskaegg í kirkjudyrum þegar heim var haldið. Tilefnið var ríkt til að gleðjast saman um miðnættið. Kristur er upprisinn. Sannlega upprisinn.

Það heyrir til undantekninga að tvö brúðkaup fari fram laugardag fyrir Páska. En laugardaginn 11. apríl fóru tvö brúðkaup fram í kirkjunni. Lesa má nánar um það undir liðnum helgihald.

Kristjana Snædís Benediktsdóttir og Sveinn Bjarnason, Granaskjóli 17, Reykjavík voru gefin saman í hjónaband laugardaginn 11. apríl af sr. Sighvati Karlssyni. Svaramenn: Bjarni Sveinsson og Benedikt Jónasson