Húsavíkurkirkja

Guðsþjónusta verður sunnudaginn 25. mars kl. 14 í kirkjunni. Kirkjukór Húsavíkur syngur undir stjórn Judit György. Fermingarbörn lesa ritningargreinar. Sóknarprestur prédikar og þjónar fyrir altari. Fjölmennum.

Í Sunnudagaskólanum er notað margmiðlunarefni frá fræðsludeild Biskupsstofu, t.d. í biblíufræðslunni. Hér er síðan sú sem hefur að geyma biblíufræðslu síðustu sunnudaga í mynd og hljóði. Svo fylgjast börnin með Hafdísi og Klemma af dvd disk. En þau bralla ýmislegt skemmtilegt saman. Boðskapurinn tengist biblíufræðslu dagsins. Ég minni á sunnudagaskólann í Bjarnahúsi næsta Sunnudag kl. 11.  Um er að ræða skemmtilega og uppbyggjilega stund fyrir börn. Fjölmennum.

Finnbjörg Axelína Jónsdóttir, Vallholtsvegi 17, lést á Heilbrigðisstofnun Þingeyinga, Húsavík sunnudaginn 11. mars. Útförin auglýst síðar.

Sunnudagaskóli kl. 11 í Bjarnahúsi. Konni fugl tekur á móti börnunum. Rebbi refur tekur gleði sína aftur eftir að hafa endurheimt annað augað eftir kraftaverk sem sóknarprestur framkvæmdi. Fermingarbörnin sjá um Brúðuleikhúsið þar sem Rebbi refur kemur við sögu ásamt Mýslu.  Í skólanum er alltaf mikið sungið, hlustað á biblíusögu og beðnar fallegar bænir. Verið velkomin með börnin.

Guðsþjónusta kl. 14. Kirkjukór Húsavíkur syngur undir stjórn Judit György. sr. Örnólfur J. Ólafsson, Skútustöðum prédikar og sóknaprestur þjónar fyrir altari. Fjölmennum

Bergljót Sigurðardóttir, Stóragarði 5, Húsavík lést á Heilbrigðisstofnun Þingeyinga 3. mars. Útförin auglýst síðar.

Sunnudagaskóli verður í Bjarnahúsi 4. mars kl. 11. Stundin tekur um 40 mínútur. Konni fugl tekur á móti börnunum. sr. Sighvatur og fermingarbörnin sjá um að miðla uppbyggilegum boðskapnum um Jesú til barnanna í tali og tónum. Rebbi og Mýsla tala til barnanna í brúðuleikhúsinu. Sýndur verður stuttur þáttur í Sjónvarpinu með Hafdísi og Klemma sem fjalla um efni sem tengist boðskap dagsins og börnin sjá skjávarpamyndir um leið og þau heyra guðspjall dagsins sem útfært hefur verið við þeirra hæfi. Afmælisbörn fá gjafir og svo má ekki gleyma gömlu góðu hreyfisöngvunum. Svo erum við að kenna börnunum nýtt lag sem nefnist Takk. Ég hvet ykkur til að fjölmenna með börnin og barnabörnin í sunnudagaskólann. Sjáumst hress.

Sigurður Friðbjarnarson, Uppsalavegi 1, Húsavík lést Sunnudaginn 26. febrúar á Heilbrigðisstofnun Þingeyinga. Útförin auglýst síðar.

Ég minni á Guðsþjónustuna  í Húsavíkurkirkju sunnudaginn 26. febrúar sem er 1. sunnudagur í föstu.  Hún hefst kl. 14. Kirkjukór Húsavíkur syngur undir stjórn Judit György. Sóknarprestur þjónar. Vænst er þátttöku fermingarbarna og foreldra þeirra. Fjölmennum.

Sunnudagaskóli verður í Bjarnahúsi sunnudaginn 26. febrúar kl. 11.  Skemmtileg stund með Rebba og Mýslu, Hafdísi og Klemma. Börnin hlusta á Biblíusögu dagsins, syngja hreyfisöngva og biðja bænirnar sínar. Konni fugl tekur á móti börnum. Velkomin með börnin og barnabörnin. Sjáumst hress. Starfsfólk sunnudagaskólans.

Bjarki Snær Andrason var skírður 18. febrúar. Foreldrar: Dana Ruth H Aðalsteinsdóttir og Andri Rúnarsson, Lyngholti 22, Húsavík. Skírnarvottar: Hulda Jóna Jónasdóttir og Rannveig Hansen Jónsdóttir.