Húsavíkurkirkja

Atli Geir Guðbergsson var skírður í Húsavíkurkirkju 20. maí. Foreldrar: Guðrún Sigríður Geirsdóttir og Guðbergur Rafn Ægisson, Höfðavegi 7 c, Húsavík. Skírnarvottar: Sunna Rós Guðbergsdóttir Hammer og Gunnhildur Inga Geirsdóttir.

Á Hvítasunnudag, 19. maí verður fermingarmessa kl. 10.30. Kirkjukór Húsavíkur syngur undir stjórn Judit György. Sóknarprestur prédikar og þjónar fyrir altari. Fjölmennum!

Á Uppstigningardag, fimmtudaginn 9. maí verður Guðsþjónusta kl. 14.00 í kirkjunni. Sólseturskórinn, kór eldri borgara syngur undir stjórn Judit György. Sóknarprestur prédikar og þjónar fyrir altari. Messukaffi í Bjarnahúsi í boði sóknarnefndar að lokinni guðsþjónustu. Þessi dagur er helgaður öldruðum í kirkjum landsins. Fjölmennum!

28. apríl flutti ég prédikun í Húsavíkurkirkju sem ég nefni ,,Lýðheilsa sóknarbarna minna”.  Í ræðunni skora ég á fjölmiðla að axla sína lýðheilsulegu ábyrgð í umfjöllun um smærri samfélög á landsbyggðinni.

Guðsþjónusta verður Sunnudaginn 28. apríl kl. 14.00 í kirkjunni. Kirkjukór Húsavíkur syngur undir stjórn Judit György. Sóknarprestur prédikar og þjónar fyrir altari.  Fjölmennum!

Helga Jóna Traustadóttir og Hafliði Hjaltalín Ingólfsson, Háagerði 1, Húsavík voru gefin saman í hjónaband á Páskadag, 31. mars í Húsavíkurkirkju: Svaramenn: Trausti Sverrisson  og Dóra Hafliðadóttir. Sonur þeirra Helgu Jónu og Hafliða, Hafþór Atli Hjaltalín var einnig skírður. Skírnarvottar: Brynjar Smárason og Halldór Guðni Traustason.

Uppskeruhátíð Sunnudagaskólans í  Þingeyjarsýslum verður haldin á Kirkjumiðstöðinni við Vestmannsvatn sunnudaginn 7. apríl kl. 11.00-13.00.  Fjölbreytt og skemmtileg samverustund í margmiðlunarformi sem lýkur með pylsuveislu. Fjölmennið með börnin og barnabörnin

Jónas Þorsteinsson Vallholtsvegi 17 lést á Heilbrigðisstofnun Þingeyinga 2. april. Útförin fer fram mánudaginn 8. apríl kl. 14 frá Húsavíkurkirkju.

Helgihald í sókninni var sæmilega sótt í dymbilviku og um Páskahátíðina. Fermingarguðsþjónustan var fjölsótt. Passíusálmar Hallgríms Péturssonar voru lesnir af átta leikmönnum auk sóknarprests sem nutu þess að lesa þá í kirkjunni fyrir þá sem hlýddu á. Páskavakan var áhrifarík og skemmtileg en nú var hún haldin í níunda skipti í Húsavíkurkirkju. Á Páskadag var guðsþjónusta í kirkjunni og á öldrunardeild og á Dvalarheimilinu Hvammi. Kirkjukór Húsavíkur söng við helgihaldið undir stjórn kirkjuorganistans Judit György. Um 300 sóttu helgihaldið á þessu tímabili. Prédikun sóknarprests á Páskadag í kirkjunni er að finna hér. Gleðilega Páska.

Páskamessan verður kl. 11 á Páskadag í kirkjunni. Kirkjukórinn syngur undir stjórn Judit György. Sóknarprestur flytur prédikun sem hann nefnir: Páskahlátur. Fjölmennum!